«پرەزيدەنتتىڭ بەس الەۋمەتتىك باستاماسى» اياسىندا ستۋدەنتتەرگە تەڭدەسسىز قولداۋ كورسەتىلەتىنى اتاپ ءوتىلدى. جوو-لارعا ءتۇسۋ ءۇشىن قوسىمشا 20 مىڭ گرانت, ونىڭ ىشىندە 11 مىڭى — تەحنيكالىق ماماندىقتارعا ءبولىندى.
سونىمەن قاتار وقۋ كەزىندە ستۋدەنتتەردىڭ تۇرۋ جاعدايلارىنا ەرەكشە كوڭىل ءبولىندى. جاپپاي جاتاقحانالار سالۋ بويىنشا اۋقىمدى جۇمىستار جۇرگىزىلىپ, 2022 جىلدىڭ سوڭىنا دەيىن كەمىندە 75 مىڭ قوسىمشا ورىندى پايدالانۋعا بەرۋ جوسپارلانىپ وتىر. يپوتەكانىڭ ارزانداۋى جاستارعا زور مۇمكىندىكتەر اشادى.
ۇكىمەت الەۋمەتتىك باستامالاردى ىسكە اسىرۋ ماقساتىندا جول كارتاسىن قابىلدادى. وڭىرلەر ونى ىسكە اسىرۋعا كىرىسىپ كەتتى. بۇگىنگى تاڭدا قوستاناي وبلىسىندا بەس جاتاقحانا سالىپ, ەكەۋىن قايتا جوندەۋ جوسپارلانىپ وتىر, بۇل 2700 ستۋدەنتتىڭ تۇرۋ جاعدايلارىن جاقسارتادى. بۇدان وزگە, جەرگىلىكتى بيۋدجەت قاراجاتى ەسەبىنەن پەداگوگيكالىق جانە تەحنيكالىق ماماندىقتار بويىنشا 34 گرانت ۇسىنۋ ءۇشىن 50 ملن تەڭگەدەن استام سوما بولىنگەن. كەلەسى وقۋ جىلىندا 200 گرانتتى بەرۋ كوزدەلگەن, ونىڭ 100-ءى — مەديتسينالىق ماماندىقتارعا, 100-ى — پەداگوگيكالىق جانە تەحنيكالىق ماماندىقتارعا. شاعىن نەسيە بەرۋدى كوبەيتۋ بويىنشا ءتورتىنشى باستامانى ىسكە اسىرۋ ءۇشىن بيىل 4,2 ملرد تەڭگەگە جۋىق قاراجات قاراستىرىلعان, بۇل وتكەن جىلعى سومادان 31% ارتىق. 400-دەن استام نەسيە بەرىلەتىن بولادى.
تالقىلاۋ كەزىندە سونىمەن قاتار قازاقستان پرەزيدەنتى وتكەن اپتادا استانا ەكونوميكالىق فورۋمىندا بەلگىلەپ بەرگەن قازىرگى زامانعى بەس مەگاترەندكە كوڭىل ءبولىندى. ونىڭ نەگىزگىسى — جاھاندىق ەڭبەك نارىعىنىڭ وزگەرۋى. كاسىپورىندار ءۇشىن جۇمىس كۇشىنىڭ ارزاندىعى ەمەس, قىزمەتكەرلەردىڭ بىلىكتىلىك دەڭگەيى ماڭىزدى بولۋدا. كۇيبەڭ دەنە ەڭبەگى جاقىندا روبوتتارمەن 80% الماستىرىلۋى مۇمكىن. الداعى ونجىلدىقتا قازىرگى ماماندىقتاردىڭ 10%-دان 50%-ىنا دەيىن جويىلىپ كەتۋ قاۋپى بار.
كاسىپورىنداردىڭ تاپسىرىسى بويىنشا جوو-لار مەن كوللەدجدەر جەرگىلىكتى وندىرىستەر ءۇشىن جاڭا ماماندىقتاردى ءوز بەتىنشە ەنگىزە الادى. وسى ماقساتتاردا قازىر زاڭنامالىق تۇرعىدا جوو-لار مەن كوللەدجدەردىڭ اكادەميالىق ەركىندىگى كەڭەيتىلىپ جاتىر. وسىلايشا, جەرگىلىكتى وندىرىستەردىڭ ينجەنەرلىك كادرلارعا, تەحنيكالىق باعىتتاعى ماماندىقتارعا سۇرانىسى قاناعاتتاندىرىلاتىن بولادى.
قازاقستاندا تسيفرلىق تەحنولوگيالاردىڭ قالاي دامىپ جاتقاندىعى تۋرالى اڭگىمە بارىسىندا باقىتجان ساعىنتاەۆ وسى كەزدەسۋگە ارنايى الىپ كەلگەن ات سالاسىنداعى ەلوردالىق جاس ساراپشىلار ايتىپ بەردى. العاشقى تاجىريبەلەرىمەن ماعجان ماديەۆ («استانا حاب» حالىقارالىق تەحنوپاركى»), داگار داۆلەتوۆ ء(«ادىس» باعدارلامالىق مەكتەبى» جشس), ميربولات قۇرماشەۆ («ميرۋسدەسك» جشس), اسحات اتتاپحانوۆ («سمارت لاب» جشس) ءبولىستى.
وڭىردەگى ستۋدەنت جاستار اتىنان پرەزيدەنت باستامالارىن قولداۋ ءۇشىن كەزدەسۋدە ءسوز سويلەدى: قوستاناي مەملەكەتتىك پەداگوگيكالىق ۋنيۆەرسيتەتىنىڭ 3 كۋرس ستۋدەنتى اياگوز دارحانوۆا — پرەزيدەنتتىڭ 5 الەۋمەتتىك باستاماسىن ىسكە اسىرۋ اياسىندا جاتاقحانالار سالۋ, «StartUp Bolashak» بايقاۋىنداعى جەڭىسى تۋرالى; رۋدنىي يندۋستريالىق ينستيتۋتىنىڭ 3 كۋرس ستۋدەنتى ەۆگەني ستەپانوۆ — ات-تەحنولوگيالاردى وقۋ پروتسەسىنە ەنگىزۋ, ء«سستبوب» اق-مەن ءوزارا ارەكەتتەستىك, تەحنيكالىق ماماندىقتارعا گرانتتار ءبولۋ تۋرالى; رۋدنىي قۇرىلىس جانە كولىك كوللەدجىنىڭ 2 كۋرس ستۋدەنتى دامير ءابدىراحمانوۆ ء— «سستبوب» اق-مەن الەۋمەتتىك ارىپتەستىك جانە قوسارلى ءبىلىم بەرۋ تۋرالى.
چەليابى مەملەكەتتىك ۋنيۆەرسيتەتىنىڭ 2 كۋرس ستۋدەنتى انجەليكا پيۆوۆارا «جاسىل» جانە تسيفرلىق تەحنولوگيالار بويىنشا عىلىمي ازىرلەمەلەر, جاستاردىڭ ەۋرازيالىق ەكونوميكالىق فورۋمىنا قاتىسۋى تۋرالى ءسوز سويلەدى. رۋدنىي يندۋستريالىق ينستيتۋتىنىڭ 3 كۋرس ستۋدەنتى ەلنۇر بەكەن «سەرپىن» باعدارلاماسى بويىنشا وقۋ جانە ء«سستبوب» اق-نا جۇمىسقا ورنالاسۋ جوسپارى تۋرالى ايتتى.
ء«سستبوب» اق بيزنەسى تاراپىنان گرانتتار ءبولۋ مەن مەملەكەتتىك باعدارلامالار ەسەبىنەن جاستار كاسىپكەرلىگىن قولداۋ تۋرالى رۋدنىي يندۋستريالىق ينستيتۋتىنىڭ 2 كۋرس ستۋدەنتى پاۆەل پۋستوتين باياندادى, ال قوستاناي پەداگوگيكالىق ۋنيۆەرسيتەتىنىڭ 2 كۋرسىنىڭ ستۋدەنتى اناستاسيا كرەستوۆا سپورتتاعى جەتىستىكتەرىمەن ءبولىستى. ري 4 كۋرس ستۋدەنتى پاۆەل لانچەۆ ات سالاسىنداعى جاس مامانداردىڭ باسەكەگە قابىلەتتىلىگى تۋرالى ويلارىمەن ءبولىستى. رۋدنىي الەۋمەتتىك-گۋمانيتارلىق كوللەدجىنىڭ ستۋدەنتى ۆيكتوريا دوروشكو «ديپلوممەن اۋىلعا» باعدارلاماسى بويىنشا تۇرعىن ءۇي الۋ ءۇشىن نەسيە كولەمىن قايتا قاراستىرۋدى ۇسىندى.
كەزدەسۋدە ايتىلعان ماسەلەلەر بويىنشا وبلىس اكىمى ارحيمەد مۇحامبەتوۆ, ەڭبەك جانە حالىقتى الەۋمەتتىك قورعاۋ ءمينيسترى ءمادينا ابىلقاسىموۆا, ءبىلىم جانە عىلىم ۆيتسە-ءمينيسترى بيبىگۇل اسىلوۆا تۇسىنىك بەردى.
جالپى, بۇل كەزدەسۋ قوستاناي وبلىسىندا «پرەزيدەنتتىڭ بەس الەۋمەتتىك باستاماسىن» ىسكە اسىرۋ تولىققاندى جۇرگىزىلىپ جاتقانىن, ونى ىسكە اسىرۋ مەحانيزمدەرى ەنگىزىلىپ, ءوز ناتيجەلەرىن بەرە باستاعانىن كورسەتتى. قوستانايلىق جاستار «تسيفرلىق قازاقستان» مەملەكەتتىك باعدارلاماسىن بەلسەنە قولدايدى جانە ونى ىسكە اسىرۋ ءۇشىن اتسالىسۋعا ءازىر, مۇنى ستۋدەنتتەر ءوز سوزدەرىندە بىرنەشە رەت اتاپ ايتتى.
وبلىستاعى جوعارى وقۋ ورىنداردا: پەداگوگيكالىق ماماندىقتار بويىنشا — 42%, تەحنيكالىق — 22%, الەۋمەتتىك عىلىمدار — 13%, زاڭ ماماندىقتارى — 8% جانە ت.س.س. ستۋدەنت وقيدى. كوللەدجدەردە تەحنيكالىق, تەحنولوگيالىق ماماندىقتار بويىنشا (باعدارلاماشىلار, ەلەكتر مونتەرلەر, دانەكەرلەۋشىلەر ت.س.س.) — 6942 ادام (30,3%), ءبىلىم بەرۋ بويىنشا (مەكتەپكە دەيىنگى ءبىلىم تاربيەشىلەرى, باستاۋىش سىنىپ مۇعالىمدەرى, شەت ءتىلى مۇعالىمدەرى ت.س.س.) — 4202 (18,3%), سەرۆيس پەن قىزمەت كورسەتۋ بويىنشا (تاماقتاندىرۋ ورىندارى ماماندارى, اسپازدار, تىگىنشىلەر, مودەلەرلەر, اۋدارماشىلار ت.س.س.) — 2886 (12,6%), اۋىل شارۋاشىلىعى (تراكتورشى-ماشينيستەر, ۆەتەرينارلار ت.س.س.) — 2884 (12,5%), قۇرىلىس پەن تكش بويىنشا (تاس قالاۋشىلار, بوياۋشىلار, سىلاقشىلار ت.س.س.) — 1888 ادام (8,2%) ءبىلىم الۋدا.
